Bohol Trip - Part 3

Bohol Trip Day 3 - Sea Tour!

Day 3, Ginising kami ng Itinerary para mag SEA TOUR! Nakuha namin ang tour na to dito na din  mismo sa area ng Paragayo Resort. Sa halagang Php 1500.00 para sa half-day sea tour ay  maituturing nang sulit! Free na din ang snorkeling gear!

6AM kami umalis sa alona beach para daw makita namin ang mga dolphin dahil sa umaga lang sila  nagpapakitang gilas! Malayo pa lang kami ay nakikita ko na kung san kami pupunta. Isang lupon  (oo lupon!) ng mga turista na sa tantya ko ay nasa 15-20 bangka! Sa una ay natutuwa ako dahil  first time ko nga naman nakakita ng mga dolphin na sabay sabay lumalangoy at tumatalon. Pero  pagkalipas ng ilang minuto ay nakaramdam ako ng awa sa mga dolphins. Ang dolphin watching ay  naging dolphin chasing! Sa kagustuhan ng mga turista (kasama na ang bangka namin) na makalapit  sa mga dolphin ay papaharurutin (kalyeng kalye words ko ah) ang mga bangka papunta sa grupo ng  mga dolphins. Isipin mo na lang ang ingay na naririnig nila underwater. Kung ikukumpara ito ay  parang kagigising mo lang nang biglang may nagjackhammer sa tabi ng bahay mo!

 

Balicasag Island

Wala pang isang oras ay umalis na kami sa lugar ng habulan at pumunta na sa next site, ang  Balicasag Island. Matapos mag almusal ay nagpahanda na kami ng pagkain para sa aming tanghaliann para pagkatapos ng snorkeling e kain na ulet! (Sarap ng buhay). Ilang metro lang mula sa  shoreline ng balicasag island ang snorkeling site. Buhay na buhay ang yamang dagat sa islang  ito, makukulay na isda na may ibat ibang laki. Talagang totoo ang kasabihang "maraming isda sa dagat". Dala ang aking digicam na may dicapac (parang  zip lock ng camera hehhe) ay nilusong ko ang hanggang dibdib na tubig at kinunan ko sila habang pinapakain ng sky flakes! Heto nang brake  nyo.. kagatin nyo!

Wag malungkot...Maraming isda sa dagat!

Matapos ang lagpas isang oras na pagbabad at pag inom ng tubig dagat ay bumalik na kami para
kumain ng brunch at dumiretso sa next na destination ang vigin island..... (nakaka excite)

Virgin Island

 Virgin Island. Kaya pala ganto ang tawag dahil walang taong nakatira dito. Malinis ang isla,  malawak at puting puti ang buhangin. Matapos maglibot e nag aya na kaming mag uwian. Wala din kasing masyadong gagawin ditto maliban sa pagkain ng mga fresh Sea Urchins!

Sea urchins, Alive and kicking! (pricking?)

Matapos ako matusok ng sea urchin ay panahon na para gumanti! Ginawa syang coconut ni ateng tindera, biniyak sa gitna, kinayod ang laman, konting suka at voila!!! Kadiri na sya!

Instant sea urchin meal na mukang sputum (Medical term para di masyadong kadiri)

Pasado alas dose na ng natapos ang aming mainit na sea tour. Kahit saglit lang e masasabi ko namang enjoy ang nasabing tour!

Contacts:
Cost: Banka (upto 10 persons) - Php 1500
      Snorkeling (rental ng maliit na bangka + water shoes) - Php 250.00 each
       *water shoes is optional pero I suggest na magsuot dahil sa matatalas na corals
Tour Duration: 6AM - 12PM


NEXT:   Bohol Trip Part 4 - Itinerary